Jowai: Ka Meghalaya Human Rights Commission (MHRC) kawa khlieh da u Chairperson Dr. Aftab Hussain Saikia wa u dkhot yong ka Commission u P.J.P. Hanaman hadien wa mih khubor wa em 13 ngut kiwa chah kset kiwa tih mooyong hadien wa chlai ka krem mooyong ha Ksan, EJH kawa em hajan ka wah Leteiñ, ka MHRC da ujor ko da ka Sou Moto Case (mukotduma) pyrchah ya ka sorkar Meghalaya yow su poisa cha ki 13 ngut kiwa da suba leh toh kiwa da khlaad.
Ini toh iwa da jia ha ka step ka 13 tarik heipor kamwa 5:30 wei ka krem mooyong toh kawa yillu kamwa 320 phut.
Ka MHRC da ong ko wa ini toh i tih mooyong pyrchah ya ka hukum kawa da khang ka National Green Tribunal (NGT) iwa dang pteiñ hi hapoh Meghalaya.
Ka MHRC da phah (Notice) ko leh ya u Chief Secretary ka jylla wow pynman ya ka takit kawa biang wei wow phah ya ka bui hapoh 30 sngi.
Ka State Commission leh da sñiaw ko wa emkaam wow e yarap poisa leh cha kiwa emyatoh wa yajan wa ki 13 ngut.
Ini toh katkam wa pyntip u Aldous Mawlong,IAS Secretary Meghalaya Human Rights Commission Shillong.
Discussion about this post