Ujor ka MHRC pyrchah ya ka sorkar jylla wa pynkylla ya i thaw wow chna ya ka Central Jail yow pynemkaam ya ka National Games

Jowai: U Secretary ka Meghalaya Human Rights Commission (MHRC) u Aldous Mawlong da pyntip u wa ka MHRC da chim ko ya ka rai dei bor yong ko wow yaleh mukotduma (Sou Moto Case) pyrchah ya ka sorkar Meghalaya neidaw wa pynkylla ko yei thaw wa em ha Mawdiangdiang iwa da booh wow chna ya ka Central Jail tangwa da pynemkaam noh ya ini i thaw wow pynman ya ka National Games.

Yeini da leh hadien wa mih khubor wa ka Shillong District Jail em ko hadooh 460 ngut ki koidi kawa da mang du neibynta 170 ngut donhi wei da man ko ka patok kawa khynnia wei dang yang wow pyndep ya ka Nongstoin Jail yow kyrriah ya kamwa 100-200 ngut ki koidi cha kani ka thaw.

Ka MHRC da ong ko wa ini i pynkylla ya ka thaw wow chna ya ka Central Jail cha ka thaw pynman National Games toh kawa tyngheiñ yei hok man bru namo ka Human Rights yong ki koidi wa da chah kset wa kiwa dang chah bichaar.

Chooh chooh ka MHRC da ong ko wa ha ka 25-09-18 ka Supreme Court da pynmih hukum ko wow pynbha pynmiat noh ya ki patok wei neiliang ka MHRC u Chairperson yong ka u Dr. Justice Adtab Hussain Saikia deilang wa u R.P. Agarwal IPS, Director General of Prison ka jylla Meghalaya ha ka 15-03-18 da pyntip ki cha ka sorkar wa emkaam wow chna ya ki patok wa thymme yow lait na i khynnia.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka MHRC ha ka 31-10-18 da phah ko ya ka sorkar jylla lyngba u Chief Secretary wow leh ko yeiwa emkaam wei wow phah ya ka bui (Report) hapoh 60 sngi hei yatoh wa ini i kaam.