U DC ka Kolasib District, Mizoram da thoh u cha u Deputy Commissioner ka Hailakandi District, Assam deiwa ong wa chah tooh ki tiar chna ya ka yingkieñ ha Zophai da ki pulit ka Assam ha ka 20 tarik uni u bnai heipor 12:00 waje pyrdi sngi.
U DC ka Kolasib da ong u wa ki pulit ka Assam da psiah ki chapoh ki thaw ka Mizoram wa em ha Zophai, Bairabi heiwa dang chna ya ka yingkieñ yow pynyabi ya ka sarok cha ka lyngkha ka yong u Ou Ch. Chhunga uwa man leh u Montri Rangbah wa nyngkong dooh ka Mizoram.
Da ong leh wa ki pulit ka Assam da pyndik ki ya ki wakreh ha ini i thaw wei da tooh ki leh ya ki tiar kam ki nar rod wa kiwi de. Kamtæ da ujor pyrchah ya ki ha ka Bairabi Police Station ya ini wa tooh tiar ki.
Kamtæ da ong wa ini kaam ym toh iwa kheiñ kam i ya kajia pood neibhah ini toh iwa da em chwa i chna ya uni u sarok tangwa da man i i kaam wa tooh ya ki tiar sorkar kamtæ da kyntu wow chimkhia ya ini.
