Ka Dorbar Chnong Panaliar da lai ujor ko cha u DC ka West Jaiñtia Hills District pyrchah yei thmu ka Jaiñtia Fishing & Environmental Protection Association wow pynman ya ka yakob khwe dakha neibhah wa dang em ka Case kawa dang lai chakhmat hapyrdi kini ki ar liang.
Ha kani ka ujor da ong leh wa kani ka Association da tyngkheiñ ko ya ki kyndon ka chnong ha ki sngi wa dadep wei hajrong ini, neiliang ka dorbar chnong da rai ko wym e bor wow pynman ya kani ka yakob khwe kawa da toh u pynman ha ka 28 tarik uni u bnai ha ki bynta wa haap hapoh u pood u ang ka chnong.
Da kyntu leh ya u DC wow khang u wow pynman ya kani ka yakob khwe ha ki bynta kiwa em hapoh u pood ka chnong.
Kam wow pynkynmoo wa ynnin u snem, ka Dorbar Chnong Panaliar da e syndon ko da ka FIR pyrchah ya ka Jaiñtia Fishing & Environmental Protection Association hadooh wa hap u DC wow phah pynsangeh pynman ya kani ka yakob khwe ha ki bynta wa haap hapoh ka Panaliar.
Hadien won da yoh wow pynman ya kani ka yakob khwe khlem da pynman ha ki bynta wa haap hapoh ka Panaliar.
Puræ leh: Lai e FIR ka Panaliar pyrchah ya ka Jaiñtia Fishing & Environment Protection Association
Discussion about this post