Ujor ka SDSEO, WJH ha ki pulit hadien wa yoh ya ka chithi wa phylla

Jowai: Ka Sub Divisional School Education Officer (SDSEO) ka West Jaiñtia Hills, ynnin i janmiet da ujor ko ha ki bor pulit ka District hadien wa yoh ya ka chithi wa phylla kawa da soi hei pyrtuid u D. Paul uwa man kam u President ka SMC ka Gandhi Memorial LP &P School, Jowai.

Kani ka chithi man ko kawa phylla neibhah ha ka da thoh chaphang ka tarik wa man yalang kani ka SMC, da dawa wow chna ya ka Joint Account ha bank, da thoh ya ki kyntien ki wym sñiawsuk wa maham ya ka SDSEO wa ka SI yow chna ya ka Bank Account yow yoh tulop wa kiwi ki poisa yarap.

Heiyatoh wa ini hawa yaklam wa u SP ka district, u Vivek Syiem ynne ka sngi, da ong u wa da yoh ya ka ujor ynnin heiyatoh wa ka chithi wa da thoh ya ki kyntien wym sñiawsuk wei kani ka chithi toh kawa da phah lyngba ka Post Office wei mar yoo ya ka da yoo wa da em wa thoh kyndeh ya ka.

Da ong u wa u bru uwa mih pyrtuid (D. Paul) ha kani ka chithi kam uwa phah ya kani ka chithi da wan u chakhmat wei da kyntait u wa da phah u ya kani ka chithi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da pyntip u wa neiliang ki ar liang da wan mih ki cha kani ka yung krehkaam yong oo wa cha thanat wei da chem wa em wa leh kyndeh yeini waroh wei neiliang u Paul leh da ujor FIR u pyrchah ya kiwa thoh ya kani ka chithi.

Heijooh i por u SP da ong u wa ka tnat dang pynman ko ya ka takit hajrong ini wei ym slem de daw chem ya kiwa thoh ya kani ka chithi wei manda chem ya ki daw ye u tip yei daw wa da leh yeini.