Ka Saiñdur Tipkur-Tipkha Ieng Ehrngiew Hynñiewtrep ya kawa da tip pyrtuid tbian leh kam ka STIEH ynne ka sngi 6 tarik da lai ujor FIR ko ha ka yung krehkaam u Superintendent of Police, East Khasi Hills wow pyrchah ya ka Editor ka Shillong Times, ka Patricia Mukhim.
Ha ka ujor, neiliang ka STIEH da ong ko toh wa man i hajrong i jia wa i ya kynaad hapyrdi ki khynnah wa yalehke Basketball ha Lawsohtun heiwa ka Patricia Mukhim da thoh ko ya ki kyntien pynbaad wei pynsñiawphær jaitbru lyngba ka Social Media.
Ya kani ka ujor da pynchong yurim katkam wa thoh kyntien ka Patricia Mukhim ha ki Social Media heiyatoh wa ini i jia kawa da thoh wa toh haprydi ki ‘Tribal’ waki ‘Non-Tribal’ iwa da pynyaphær yei sñiaw jaitbru.
Neiliang ka STIEH da ong ko wa ini i thoh ha ka Social Media man i kam wow pynchoi wow pynmih yei kulmaar hapyrdi ki jaitbru. Khamtam i pynkynmoo yeiwa jia ha u snem 1979 man i kamwa pyrchang wow pynchit wow e diñ wei wow pynyachrut para jaitbru iwa ye wow pynmih yei kulmar ym du hapoh ka jylla wot ha waroh kawi ka ri.
Neiliang ka STIEH da kyntu ko ya ki pulit wow leh yeiwa emkaam hajrong ini waroh.
Ka STIEH da pynkut ko deiwa ong wa ymjooh pynksan ko ya ki kaam pyrchah aiñ deiwa yooluti wa ki bru ka aiñ u pynsaja ki ya kiwa tynkgkheiñ aiñ lada man ki kiwa khian lane kiwa khroo.
