Ka seiñ Sex Trade Opposing People (STOP) kawa da seiñ da kawi na ki dkhot warim ka Rot Association of Meghalaya (RAM) kawa tip kam ka B. Syiemiong, da pyntip ko wa da ujor FIR ka seiñ pyrchah ya kiwa klam khlem akor ya ka DC ka East Khasi Hills ha ki Social Media.
Ka FIR da ong ko wa hanla da maham joor ya kitu kiwa klam khlem akor ya ki kynthai na ki por cha ki por tangwa dang em bait ki bru ki wym bood kamjooh wym burom ya ka aiñ.
Kamtæ da kyrpaad ya ka Cyber Crime Wing ka Meghalaya Police wow chimkhia ya kani ka ujor pyrchah ki arngut kiwa pynemkaam Facbook heiwa yei pyrtuid wa iwa thoh ki pyrchah ya ka DC da sooh lang wa ka FIR.
Ya FIR da e deiwa chim sbut na iwa thoh kini ki arngut ha ka Facebook Group ‘Ka Sur U Paidbah’ ha ka 14 tarik, heiwa ka Syiemiong da ong ko wa ka STOP toh kawa kreh wow pynkut noh ya ki kaam khayi wa i dai doh kynthai kamjooh wow pynku yei hok wa i burom ki kyntai, kamtæ da beiñ joor yeiwa klam kini ki bru ha Facebook.
Kamtæ da kyntu ya ki paidbah wow pynngat ya kini hapoh ka Sections 67 (Punishment for publishing or transmitting obscene material in electronic form) ka Information Technology Act wa 509 (Damaging modesty of a woman) ka Indian Penal Code.
