Jowai: Ki ar seiñ kiwa kynthup yaka All Jaiñtia Hills Social Welfare Organization (AJHSWO) waka Hynniewtrep Student Union (HSU), hadien wa yoh ujor ki naka Rose Salva Shullai, kawa em karkhana chna baam (Manufacturer & Supplier of Chana) kawa em ha Salini Colony, nadooh ka 03-06-2015 kawa em leh ya u Licence No. 11715001000133 kamwa la 3 snem wei hadooh kanti kani ka Licence man ko kawa dang krehkaam. Ki ar seiñ da sñiaw phylla ki wa haka jooh ka karkhana chna baam da em sa kawi ka Licence kawa dang krehkaam hadooh katni ha i pyrtuid ka Suchitra Mochary kawa em u Licence No. 11717001000248 kawa man leh ka baar jylla, wei waroh ar kini ki Licence man ki kiwa dang krehkaam hadooh katni.
Hadien ini, ki ar seiñ da lai ki cha katai ka karkhana chna baam wei da chem ki wa ki Licence em ki ar tylli ha i jooh i thaw wei da lai yachem ki leh ya ka Officer In-charge yong kani ka chnat yow phyllu yumut hajrong katai ka kaam, tangwa kani ka sahep yong katai ka chnat da klam ko da ki ktien wym yahap haka imlang sahlang.
Hadien ini ki ar seiñ da lai ujor ki cha u Deputy Commissioner, West Jaintia Hills District, haka 27-09-19, wei da kyntu ya oo wow leh u katkam ki bor yong ka aiñ pyrchah ya katai ka chnat. Wei da kyntu leh ya ya ki bor yong ka aiñ wow pyndam noh yaka Licence yong ka Suchitra Mochary wei wow pynneh daka Licence yong ka Rose Salva Shullai kawa da yoh Licence chwa.
Ini toh katkam wa pyntip u K. Rymbai, President HSU wa u R. Biam, President AJHSWO.
Discussion about this post