Jowai: Ka Yoobina Lato kawa man ka Producer chirup wa u Wanchema Laloo wa man u Director yong ka film khynnah, kawa tip kam ka HAMKHEIÑKE, da ujor ki ynne pyrchah ya kiwa booh (Upload) ya kani ka film ha YouTube.
Hei kam yong ki, ini man i pyrchah ya ki aiñ yong ka Production House yong ki, neibhah ini leh man hi ki kaam tooh kaam thok wow pyndooh yei hok mantre ki. Chooh chooh da ong ki wa i leh yong ki yeini toh yow lait kiwi tawon ki bru wymswe u pteiñ ya kini ki kaam, deiwa kyntu leh ya ki bor pulit yow chimkhia ki yeini yow smat u chem wei wow pynchitom ya ki deiwa eh.
Da kyntu ki yei yakrehlang yong kiwi tawon ki para wa pynmih film Jaiñtia wow mih chakhmat yow khanglaad kam ya kini ki jaitbru, kiwa pyntlot yei wow ku ka ri yong i heiliang i pynmih film.
Da pynkut ki deiwa ong, wa lada ki Producer ki Director ya pynlut ki pli hawa kynthær wei ait kata, kammon won u elaad ya ki wymswe u kamai tooh deiwa baamjem hi-eh deikhih kiwi.
Neiliang yong ki, da ong ki wa ym e laad ki kam ya kini ki jaitbru.
Discussion about this post