Ujor kiwa chong dai rood sarok pyrchah ya ka SMB wa ki pulit

Shillong: Kiwa chong dai rood sarok da ujor FIR ki pyrchah ya ka Shillong Municipal Board (SMB) heiwa 4 ngut da kam ki wa da chah leh beiñ ki ha kiwa kreh ka SMB kamjooh leh ki pulit.

U Mumtaz Ali da ujor u wa nadooh u snem 2016 kiwa kreh ka SMB deilang wa ki pulit da rah ki ya ki mar dai yong oo na jan ka Lady Hydari Park tangwa ym em won phah ki cha oo ya ka chithi wa pynyoo ya ki mar wa da kit ki wei hadooh katni leh ym em pynuiñ ya ki mar.

Ka Nirmala T. Sangma leh da ujor ko wa nadooh u July u snem 2016 ki mar baam yong ka leh da cha rah ki na i jooh i thaw wei ka leh ym em yoh ko ya ki kot ki sla (Seizure list) wa pynyoo ya ki mar wa da chim ki pulit.

Ka Chamakala Chettri won da ujor ko wa ha u snem 2014 na i jooh i thaw da jia ya ka i jooh hi heiwa ki mar yong ka wa chong dor T. 3,000 da cha rah ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Birendra Shah leh da ong u wa ha ka 24 tarik u November 2016 kiwa kreh ka SMB deilang wa ki pulit da kit ki ya ki mar baam wa chong dai u wa chong dor T. 3,000 wei ki pulit ym em pynbiang ki ya ka Seizure List kamjooh leh ym em de pynuiñ ki ya ki maar yong oo.