Jowai: Ka seiñ HNYF da thoh ko cha u DC ka West Jaiñtia Hills wow pyntip cha oo wa em ki waheh chnong kiwa lai pyrchah ya ka hukum ka Election Commission of India deiwa yalap Election ki neibynta ki MDC ka JHADC wei da em leh na ki kiwa da pynyieñ da u yong ki hi u kyrtong.
Ka seiñ da ong ko leh wa ka Sixth Schedule dang em hi ko hapoh ka riti synchaar ka ri kamtæ i hukum u Chief Election Commissioner ka ri wa ki waheh chnong ymtoh u pynwit ki ha ki kaam krehkaam ko cha i leh.
Ka seiñ da ong ko wa i pynwit ka dorbar kamjooh ki waheh chnong da pyndooh ko yei hok ki paidbah wow jied ya u kyrtong wa hun ki khlem em i pynbor tangwa da chem wa ha kani ka Election MDC cha ka JHADC ka wow wan da em ki waheh chnong kiwa da yalap Election neibynta u kyrtong wa kyrchaan ki wei da emkti leh wow jied kyrtong MDC.
Kamtæ ka seiñ da kyntu ko yow DC yow leh u yeiwa emkaam yow pyntikna wa kani ka Election MDC ka wow wan u man ko kawa khooid.
Discussion about this post