Ujor kylla sa kiwa yah truck pyrchah ya kiwa kreh ha Ynñiawmer Weighbridge

Jowai: Hadien wa mih i awri ha Ynñiamer Weighbridge ynnin i sngi, ynne won u Ghulam Rassol uwa na Leeran, Dachal J&K da ujor kylla u ha ki pulit ka West Jaiñtia Hills.

Ha ka ujor da ong u wa ha ka 25 tarik u Ghulam chirup wa u wa yarap ya oo uwa tip kam u Md Shahazan Choudhary da mih ki na Malda dei thmu wow lai cha Silchar wow pynhaap sapieñ na ka truck ki wa em u No. JK02 BM 3886.

Ha ka 26 tarik won heipor kamwa 1:00 waje i sngi manda palat ki ya ka Phramer Police Check Post, da em kawi ka kari khian kawa da phah sangeh ki wei da mih uwi u bru uwa sap sula pulit wa uwi won uw sap sula paidbah.

Kini ki ar ngut da knieh ki ya ka Challan wei da chim ki ya ka poisa kamwa T. 50,000 na kani ka truck wei da phah ki ya ki wow lai cha Ynñiawmer Weighbridge.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Manda poi heini kiwa kreh kani ka weighbridge da sdang dat ki ya u Md Shahazan Choudhary wei mar ya yoo yeini u Ghulam da hiar u na ka truck wei da sdang dat ki oo wei da maham tynyap ki oo.

Uwi nakiwa kreh ha ini i thaw da sai u da ka wait wei da pakhot u ka cha kini ki ar ngut heiwa uni uwa kreh da jied u ya kani ka wait.

Hadien ini kawi ka truck wa em u No. JK02 BL 3212 wa yah da u Md Rafique wa uwa yarap ya oo u Md Talib Hussain da poi ki ha kani ka thaw yow yarap ya kini ki ar ngut tangwa ki leh da chah dat ki.

Also Read: Mih i awri wa chipor hapyrdi kiwa yah truck wa kiwa thaw khia ha 7 mer