Ujor mukotduma ka sorkar pyrchah ya uwa e ktien ka TMC, u Saket Gokhale

Heiyatoh wa i pynbaad uwa e ktien ka TMC, u Saket Gokhale yaka sorkar Meghalaya, ya ka Company sokar, ka Meghalayan Age Limited kamjooh ya ki sahep sorkar; neiliang ka Meghalayan Age Limited da lai ko chakhmat yow yaleh daka mukotduma ‘Criminal Defamation Suit’ pyrchah ya u Gokhale.

Ka The Meghalayan Age Limited toh ka Company sorkar wa em hapoh ka Planning Department wei da seiñ hapoh ka kyndon aiñ Section 2 (45) ka Companies Act, 2013. Ya kani da seiñ yow pynkrehkaam ya ki kreh wa da yoh poisa na baar ka poisa sorkar (Externally Aided Projects), yow pynku ya ki kaam uiñke suwari, u pynman ya ki tamasa wa yatoh wa ki kaam uiñke suwari wei wow pynneh pynsah ya kiwa rim wa jah ka jylla Meghalaya.

Ya kani ka mukotduma da leh haka yung bichaar u Chief Judicial Magistrate, East Khasi Hills District, Meghalaya hapoh ka Section 200 deilang waka Section 190 ka Criminal Procedure Code, 1973, yow pynchitom ya u Saket Gokhale ya kini ki pynbaad u kiwa khlem yurim.

Ka sorkar da ong ko wa u Gokhale toh uwa da myllien wow leh ya kini ki kaam ha kiwi ki jylla leh pyrchah ya kiwa mihkhmat paidbah kamjooh leh ki sahep sorkar. Ka Delhi High Court ha u 2021 da dep ko wow maham oo hadien wa da pynbaad u ya ki sahep sorkar kam ki IAS (Civil Servants), heiwa ka Delhi High Court da ong ko wa u Gokhale toh u thooh bniah u chwa wow pynmih khubor yow pynbaad.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Chooh chooh da kdaw leh wa ki pulit ka Gujarat da dep kem ki ya u Gokhale hadien wa pynpoor u yaka khubor thok heiyatoh waka yingkieñ wa haap.

Ka sorkar da ong ko wa kam kini ki jait pynbaad daw ktah ko yei yoh yarap ka jylla wow pynkreh ya ki kaam yow pynku yaka jylla. Da kdaw leh wa kini ki Externally Aided Project kiwa pynkrehkaam ha ki jylla ka Northeast, ka sorkar India da e ko 90% kani ka poisa kam ka Grant cha ka sorkar jylla.

Ka sorkar Meghalaya leh da pyrkhat ko wow e leh daka mukotduma Civil Defamation Suit pyrchah ya uni u bru wa kiwi de kiwa pynbaad thok lyngba ki laad pathai khubor, ki rynsan Social Media iwa da ktah yei pyrtuid ka sorkar wa ki sahep ka sorkar.

U Gokhale du ha kini ki soo sngi da dep u wow chah kem, yoh jamin wot u, dep te kem biang ya oo wei da yoh jamin biang u.