Shillong: Ki khynroo wa yakhun yei kreh Pulit wa tip kam ki SF-10 da pyntip ki wa ynne ka sngi da pyrchang ki wow lai yachem ya u Montri ka kaam pohyung ka sorkar jylla u HDR Lyngdoh, tangwa neidaw wa u Montri ym em u, neiliang yong ki da chim ki da ka rai wow ujor da ka PIL hakhmat ka yungbichaar Meghalaya High Court.
Ini i yakhih kini ki khynroo toh hadien wa sahkut i pynbna result ka SF-10 neidaw wa em uwi u bru wym hun u yei rukom pyllai ya ka Exam da ki bor wa pynman ya ka, kamtæ da ujor mukotduma u ha ka Meghalaya High Court.
Kam wow pynkynmoo wa ka High Court ha ka 30 Naisaphra da pynmih hukum ko wow pyndam noh ya ka Exam wa dadep pynman wei u pynman biang ka da iwi tawon.
Uwi napyrdi kini ki khynroo da ong u wa ini i chah pynsangeh u pynmih result da pynsñiawsih ko ya ki wei ki u lai ki katkam ka aiñ khnang yow mih noh kani ka result.
Da khut u leh ya kiwi kiwa yaleh ya kani ka exam na kiwi ki bynta ka jylla wow yakrehlang ki yow yoh yei dawa yong ki.
Da pyntip u leh wa em palat 1000 ngut kiwa da poi chadooh ka Personal Interview tangwa ya ka result ympu yoh hadooh katni leh.
Discussion about this post