Jowai: Ki ar tylli ki seiñbhalang wa kynthup ya ka Hynniewtrep A’chik National Movement (HANM) wa ka Hynniewtrep Youth Council (HYC) – Jaiñtia Hills District da lai booh dorkhat ki ha u Commissioner & Secretary ka Transport Department ka jylla ynne ka sngi.
Ha kani ka dorkhat da ong ki wa i pynkrehkaam ya ka 7th Mile Weighbridge da wanrah ko ya i boon i eh i khoo ki paidbah khamtam kiwa yah truck neibhah wa kani ka thaw ym em ko ya ki thaw pynyieñ kari ya ki truck wa wan thaw khia iwa da pynthut yei lai i wan ki paidbah.
Heijooh ipor leh ym em yumut u booh ya kani ka thaw khia neibhah da em chwa ki artylli ki weighbridge ha Umling, Ri-bhoi District wa ka Ratacherra wa em ha East Jaiñtia Hills kiwa man kam ki Entry-Exit Point tangwa manda poi ha 7th Mile haap thaw khia biang ki weiwa em ko hapyrdi ka jylla.
Ini waroh mut i wa kiwa yah truck haap thaw khia ki le sien yei jooh i mar iwa wanrah yei dooh nong ya ki tre truck.
Kamtæ ki seiñ da kyrpaad ko ya ka sorkar wow chimkhia yeini waroh wow bichaar sani bha yei em kani ka Weighbridge.
Discussion about this post