Ujor u Adelbert ha u Speaker wym toh u pdiang ya ka chithi chah Suspend ka VPP | Khlem da kdaw wa toh u MLA

U Lamphang ka Yung Dorbar Chna Aiñ ka jylla, u Thomas Sangma da pyntip u wa da yoh pdiang ya ka ujor na u MLA ka Voice of the People Party (VPP) na North Shillong, u Adelbert Nongrum wym toh u pdiang ya ka chithi beh seiñ chipor (Suspend) yong ka VPP ya oo, wei neiliang u Lamphang da pyntip u wa ya kani ka kaam da phah cha ki stat aiñ (Legal Expert) wow puræ bniah wa kynthup cha u Advocate General.

Katkam wa khana u Lamphang, u Adelbert da ujor u wa ha ka chithi pyntip wa da Suspend, ym em kdaw che wa man u kam u MLA, tangwa da thoh bait ‘Ha u Bah Adelbert Nongrum, Jaïaw, Shillong’.

Neiliang u Adelbert da pynsñiaw u wa ye u man wa em sa kiwi won kiwa pyrtuid Adelbert Nongrum, ymtoh ya oo uwa man kam u MLA wa da jied da ki paidbah.

U Thomas Sangma da ong u wa ya kattæ dang bichaar bniah ya ini i kaam wa kynthup ya ka chithi chah Suspend wa da phah da ka VPP wa ka ujor yong u Adelbert, heiwa da phah leh cha ki stat aiñ wow puræ bniah.

Related posts

U Ronnie da sñiawthooh u wa daw rem ha ka Election wow wan kamtæ suk wow thied oo: Congress

July 30, 2025

Wan hiar u heh ka SBI cha Jowai yow kular phah Branch Manager noh ha Raliang Branch nadooh ka 1 tarik

July 30, 2025

U Lamphang da pynsñiaw u leh yei sñiaw yahaap yeiwa ujor u Adelbert Nongrum neibhah khlem da kdaw wa toh u MLA wei ini ym ye i wow yieñ hakhmat ka aiñ.