Ujor u MLA ka Rambrai Jyrngam wa muaid ki pulit ka Assam heipor wa dat ki ya ki bru ha Umwali, Langpih

Jowai: Katkam wa pyntip ki pulit, u Kimfa S Marbaniang, MLA ka Rambrai Jyrngam Constituency da ujor FIR u wa haka 14 tarik heipor 12:30 i sngi ki pulit ka Assam Langpih BOP wa yahkhamt da u ASI K Ch. Roy da dat ki ya kiwa chong chnong ka Umwali, Langpih.

Haka ujor da ong wa ini da jia i heipor wa pynyeiñ chrot bordiñ hapoh kani ka chnong wei ki pulit chynrang ka Assam da tba kti ki ya ki kynthai kani ka chnong deiwa taan ya ki iwa da pyndooh burom ki.

Katkam ka ujor, ha ini i jia kamwa 28 ngut ki bru da mynsoo ki wei da kit ya ki cha PHC Nonglang wa Civil Hospital Nongstoin.

Uwa ujor da kam u leh wa ki bru paidbah na Assam ki Kharkhali wa yahkhmat da u Bijou Chettri da yarap ya ki pulit Assam kiwa da muaid wow dat ya kini ki bru kani ka chnong.