Ujor wa ksohbor u pa-nah ya ar ngut ki khon khynnah

Jowai : Kawi ka manbei da ujor ko ha ka  Jowai Police Station, West Jaintia Hills pyrchah ya u boo

ko heiwa da kynnoh ko wa da ksohbor u ya ar ngut ki khonruit ko kiwa dang hapoh 14 snem i rta.

Ha ka ujor wada thoh dei thoh kani ka manbei da kynnoh ko wa u boo yong ka yowa da tip kam u C. Khonglam uwa na Mawlai Kynton Massar uwa chongkha wa ka diah yong ka, jooh ksohbor u yaki ar ngut ki khonruit yong ka, kawi kawa dang 14 snem kawi won kawa 12 snem i rta nadooh u snem 2014 hadooh u snem 2015.

U Khonglam chirup wa uwa yah ya ka kari yong oo u P Mulieh na Ialong jooh leh ki yeini heipor wa dang sah lang ki wa u Khonglam ha kawi ka yung sorkar (quarter) ka ophis District Transport Office ha Jowai heipor wadang sah lang kini ki khynnah wa ka bei ki.

Heijoor i por u Khonglam wa u Mulieh heipor wa dih kiad ki jooh pynbor ki yaka bei wa ki khon u dih kiad ki wei jooh pynyoo ki leh ya ki phlim khlemakor ya ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong leh wa jooh dat u khonglam ya ka bei wa ki khon lada leh pyrchah ki yeini. I daw wa slem u booh ya kani ka ujor toh hadien wa yap ka bei kini ki khynnah ha u snem wada dang dep da ri ya ki da ka beiruit ki.

Wei da tip kani ka manbei u ujor hadien wada khana kini ki khynnah ha ka yeini wa jia waroh.

Ya u khonglam wa u lok u da pynngat ha ka kyndon aiñ 325/506/34 ka IPC ka  Sec. 04/12 POCSO Act waka Sec 23/25 yong ka Juvenile Justice Act 2000.