Jop ka RBDCA, Nongpoh ya ka EKHCA da 77 runs ha ka yalehke yong ka Under-16 Boys Inter District Cricket Tournament 2025 (Zone-1) heiwa ha ka yalehke ka wa le ynne ka sngi wa da pynman da ka M.C.A ha Madan Thad, Mukhla Mission Village, West Jaiñtia Hills.
Ka RBDCA, Nongpoh da jop ha ka kylla khlem wei da kam ko wow tied chwa. Ka RBDCA hawa lai tied nyngkong da kamai ko 119 run wei da dooh lut ko waroh 10 wicket ha ka 27.5 over.
Neidaw wa pynthut u slap ynne ka sngi, ya ka thong da hap wow pynduna cha ka 106 runs na ki 32 over lyngba ka DLS method.
Ka East Khasi Hills CA hawa beh ya ka thong da ye ko u kamai du 28 run wei da hap lut waroh 10 ki wicket ha ka 17.1 Over. Kamtæ ka RBDCA, Nongpoh da jop ko da 77 run ya ka East Khasi Hills CA.
Ka yalehke ha ka Sngi Chohthat, ka 19/04/25 u man ko hapyrdi ka SCA ‘B’ pyrchah ya ka East Jaiñtia Hills D.C.A heipor 8.30 i step.
Ya ka digital live scoring yong kani ka Tournament ye phi u pait lyngba: :https://crichero.es/apps/mca under 16 boys inter district tournament 2025.
Discussion about this post