Ka yalehke ynne ka sngi da man ko hapyrdi ka West Khasi Hills District CA pyrchah ya ka South West Khasi Hills District CA. Ya ka kyllakhlem da jop da ka West Khasi Hills District CA kawa da kam wow kawang bol chwa. Ka South West Khasi Hills District CA hawa lai tied nyngkong da kamai ko 138 run wei da haap ko waroh 10 wicket ha ka 37.5 over. U Phrangborlang Syiemlieh da lehke bha u lyngba ka bat deiwa tied u samen 53 run na ki 85 ball wei da thlieh haroh u 7 tylli ki Four (4). U Phibanaibor Iawphniaw( C) won da tied u 17 run na ki 39 ball deilang wa 2 tylli ki Four (4). U Elvinson Nongsiej, uwa kawang ball yong ka West Khasi Hills District CA da yoh u pynhaap samen 4 wicket na ki 9.5 over, u Pynskhemlang Nongsiej won da yoh u pynhaap 3 wicket na ki 9 over.
Neidaw wa pynthut na u slap ynne ka sngi da hap wow pynduna ya ki over hawa kdong ya ka thong na ki 50 over cha ki 45 over wei ka thong wa thymme da man ko 133 run deiwa pynemkam daka DLS Method. Ka West Khasi Hills District CA hawa beh ya kani ka thong, kiwa tied yong ka ymye bha ki u lehke neidaw wa chkeh ware kiwa kawang ball yong ka South West Khasi Hills District CA, wei da hasp ki uwi hadien uwi lait noh u Leadest Son uwa da tied 42 run samen na ki 58 ball wei waroh deilang ye ki u kamai du 76 run wei da hsap lut ki waroh 10 wicket ha ka 29.5 over. U Steviericson Iawphniaw yong ka South West Khasi Hills District CA uwa da lehke bha ha ka bowling deiwa yoh pynhsap 6 wicket na ki 4.5 over da yoh u ya i naam Man of the Match.
Ka yalehke mynstep ka sngi toh hapyrdi ka SCA ‘A’ pyrchah ya ka SCA ‘B’ heipor 8:30 i step.
Ya ka digital live score yong kani ka Tournament ye phi u pait lyngba https://cricheroes.com/tournament/1430009/mca-under-16-boys-inter-district-tournament-2025/
Discussion about this post