Ka yalehke ynne da man ko ka wanoh chiliang hapyrdi ka EKHCA pyrchah ya ka WJHDCA, heiwa ka EKHCA da jop ko hadooh 167 run. Ya ka kyllakhlem da jop da ka EKHCA kawa da kam wow tied nyngkong. Ka EKHCA hawa lai tied da kamai ko 217 run wei da haap lut ko waroh 10 wicket ha ka 44.2 over. U Danlyson Bareh da man u uwa tied wa paw bha ynne ka sngi napyrdi kiwa tied yong ka EKHCA dei wa tied u samen 108 run na ki 100 ball deilang wa 19 tylli ki Fours (4). U Menang Shangpliang won da tied u 24 run na ki 30 ball wa kawi ka Six (6) wa 3 tylli ki Fours (4). U Waibhami Ryngkhlem na ka WJHDCA sa chisien da pynyoo u ya ka sap kawang ball yong oo, deiwa yoh u pynhaap 5 wicket samen na ki 9.2 over.
Ka WJHDCA ha ka pali yong ka wow beh ya ka thong, kiwa tied yong ka da haap ki uwi hadien uwi neidaw wa kiwa kawang ball yong ka EKHCA stat ware ki u pynhaap ya ka ball kamtæ chem chitom ki u chna run wei da ye ki u tied waroh deilang du 50 run wei da haap ki waroh 10 wicket ha ka over kawa 21.2. U Menang Shangpliang wa u Amit Kumar Rai, toh ki arngut ki wa kawang ball yong ka EKHCA kiwa da yalehke bha ynne deiwa yoh u pynhaap mar 3 wicket samen.
Ya i nam Man of the Match da yoh da u Danlyson Bareh u wa kamai boon run bha na ka EKHCA.
Ka yalehke mynstep ka sngi toh hapyrdi ka SCA ‘B’ pyrchah ya ka WKHDCA heipor 8:30 i step.
Ya ka digital live score yong kani ka Tournament ye phi u pait lyngba:https://cricheroes.com/tournament/1430009/mca-under-16-boys-inter-district-tournament-2025/
Discussion about this post