Shillong: Ka yung bichaar ynnin da phah kset ko hadooh 7 sngi ya u sahep ka Meghalaya Civil Service (MCS), uwa man uwa ha khlieh wow phah pakhot petrol bomb ha yung krehkaam ka Meghalaya Public Service Commission (MPSC).
Ya uni u sahep da tip kam u Grandwill Harly Passah, u Block Development Officer ka Jirang C&RD Block uwa dang em hapyrdi i chah pyndam kreh chipor nadooh u snem 2015, wei da wanrah ya oo ynne hakhmat kani ka yung bichaar.
Ini da jia i hadien wa wan pyndem u hakhmat ka Lumdiengjri Police Station wei da chimkti ya oo da ka Sadar Police Station, ha kawa da em ka ujor pyrchah yei chah pakhot petrol bomb ka MPSC.
Da wan pyndem u hadien wa chah kem soo ngut kiwa emkti ha kani ka kaam.
Neiliang u SP ka East Khasi Hills District, u Davis NR Marak da pyntikna u yeini i chah kem u Passah wei wa ka takit dang man ko kawa lai chaphrang deiwa pynksan wa da biang ki sabut hajong kani ka kaam.
Discussion about this post