Hadien wa yoh ki pulit wow kem ya uwa emkti wow tynyap ya ki arngut ki kynthai hapoh iwi i yung wa em ha Nongstoin heiwa ki pulit da pyntip ki wa uni u bru toh uwa na Nongstoin hi wei uwa sah yung wai leh ha Nongrim Hills, Shillong.
Neiliang ka Dorbar Shnong Nongrim Hills lyngba u Rangbah Shnong da pynche ki wa uni u bru wa da kem ki pulit uwa tip kam u Bankhraw Khupar Nongbri ym toh uwa sah wai ha Nongrim Hills wei toh du uwa yatipmit wa kawi ka yung wa em ha Nongrim Hills wei uwa yajan wa kawi ka kynthai wa sah ha ini i yung wei neipor cha i por jooh wan sah u ha ini i yung neibhah kini ki arngut toh kiwa na Nongstoin, West Khasi Hills District.
Da pyntip wa ha ka 24 tarik da wan uni u bru cha ini i yung deiwa sap ya ki sula wa em snam kiwa da wanchim ki pulit deiwa sakhi lang u Rangbah Shnong ha ka 25 tarik uni u bnai. Ha ka 26 tarik ya uni u bru da wanrah ya oo da ki pulit yow thooh ya ki Mobile Phone yong kiwa chah tynyap kiwa da noh u ha ka wah khian wa em hadien kani ka yung heiwa ki dkhot ka Dorbar leh da emlang ki wow sakhi ya ini.
Kamtæ da ong u wa i mih khubor da ktah ko yei dur wa i pyrtuid ka Nongrim Hills, kamtæ da kyrpaad ya ki bor sorkar wow pyrkhat ki chwa wow e ya kam kini ki yutip.
