Ka 1st Open to All Veteran Football Tournament 2023 wa pynman da ka East Jaiñtia Hills District Football Association (EJHDFA) da poi ko cha ka sngi wa khynde ynne deiwa pynman ar tylli ki yalehke.
Ha ka yalehke wa nyngkong, ka Old Star FC da jop ko da 14-0 yaka Rymbai Synrang Shahkhain VFT.
Ya kini ki kool da thap da u Barland Syngkon 9 tylli wa mar chi kool na u Genesis Bareh, Synod Nongtdu, u Embhahlang Wet, u Thrangki Laloo wa u Biky Ryngkhlem.
Ka yalehke wa ar da kut ko da 0-0 hapyrdi ka Border Area VFT waka Ar Dolloi FC.
Ki yalehke wa bood u pynman ha ka 17 tarik hapyrdi ka W. Narpuh VFT waka Tyllilang VFT heipor 11:00 waje i step wei daw pynbood da ka Para-I Sc waka West Jaiñtia Police FT.
Discussion about this post