Vijay Hazare Trophy: Rem ka Meghalaya haka Jharkhand

Ka Meghalaya da rem ko haka Jharkhand haka Vijay Hazare Trophy One Day Tournament da 192 Run ha Kolkata ynne.

Hadien wa jop ya ka kylla-khlem, ka Meghalaya da phah Bat nyngkong ko ya ka Jharkhand kawa da kamai 321/2 na ki 50 Over.

Ka Meghalaya da pynemkaam ko ya 8 ngut kiwa kawang bol heiwa da yoh Wicket du ar ngut kitæ u Dippu Ch Sangma (1/20) wa u Lerry Sangma (1/32). U Dippu da yoh u ya ka Wicket wa nyngkong haka Over wa 11 katwa kawa ar ka Wicket da haap haka  Over wa 46.

Hawa kdong, ka Meghalaya da chah pynhaap 4 Wicket deiwa kamai 10 Run hachwa u wan u Punit Bisht wa u Riboklang Hynniewta kiwa da kamai 53 Run neibynta ka Wicket wa san kiwa da kamai da u Bisht 50 tylli katwa u Hynniewta i kaam u toh wow neh khlem haap. U Bisht da yoh u ya kini ki Run na 42 bol wa kynthup ya 6 tylli ki 4 Run wa 2 tylli ki 6 Run.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

U Hynniewta da haap u hadien wa kamai 11 Run, u Lerry da yoh u 27 Run wa u Guest Professional, u Rajesh Bishnoi (26) da kamai biang 53 Run ya ka Wicket wa 7 tangwa ka Meghalaya da haap lut ki Wicket deiwa kamai 129 Run na ki 40.3 Over.

Ka Meghalaya daw yachem ko waka Rajasthan haka 21 tarik.