Vijay Merchant Trophy: Psiah Final ka Meghalaya deiwa jop yaka Nagaland

Ka Meghalaya da man ko ka liang wa nyngkong wa yoh u psiah cha ka Final ka U-16 Boys’ Vijay Merchant Trophy deiwa jop yaka Nagaland da 72 Runs ha Bhubaneswar ynne.

Ka Meghalaya daw yachem ko waka Manipur næ Mizoram kiwa dang yalehke haka Semi Final wa ar kawa da poi cha ka sngi wa le.

U Apandanka Marak da lehbha u da ka bol deiwa yoh 5/45 na 11 Over heiwa ka Nagaland da dooh lut ko ya ki Wicket deiwa kamai 92 haka Innings wa ar. U Apandanka da yoh u leh 6/40 haka Innings wa nyngkong wei deilang da yoh u waroh 11/85 yow man kam uwa lehbha dooh na kiwa sdang ya ka kawang bol ka Meghalaya.

Kam wow pynkynmoo wa ka Meghalaya ynnin da jop ko yaka kylla-khlem wei da jied ko u Bat nyngkong wei da yoh ko 123 Run deiwa haap lut ki Wicket. Tangwa ka Nagaland hawa jubab da yoh ko 83 All Out wei da yoh ki 22/0 chwa u kut ka yalehke haka Innings wa ar.

Related posts

Pdengshakap Football Tournament: Jop ka One Soul Utd Pdengkarong wa ka Rilum Hynniew Trep FC

February 22, 2026

Sdang ka 2nd Maruti Ball Cricket Tournament ka Nongtalang United Welfare Organisation

February 17, 2026

Ynne u Aashish Kumar Lohar da kamai u 57 yaka Meghalaya yow pynye ya ka jylla wow kamai ko 124 iwa da pyntam da chi Run haka Innings wa nyngkong. Haka Innings wa nyngkong da yoh u 34 Run. Deilang wa u Gaurav Jyoti Thakuria (18) da kamai ki 57 Run neibynta ka Wicket wa ynru deiwa sdang yei kamai heipor wa yoh 47/5.

Deiwa tam da 40 Run haka Innings wa nyngkong, ka Meghalaya da booh thong ko yaka Nagaland da 165 yow jop tangwa ka Nagalad da ye ko wow kamwai du 92 Run deiwa dooh lut ki Wicket.