Ka Meghalaya da rem ko ha ka Tripura da 8 Wicket ynne ha ka Vinoo Mankad Trophy ha ka yalehke ka Group C ha Pune.
Hadien wa jop ya ka kylla khlem, ka Meghalaya da jied ko wow Bat nyngkong tangwa da ye ko wow kamai du 78 Run na ki 23.5 Over.
U Mrinal Das da kamai boon dooh u da 22, u Banialam Mylliemngap 12 Run wa u Ayushman Das 10 Run. Ha iwi i por ka Meghalaya da dooh ko 6 Wicket deiwa kamai 9 Run heiwa da yoh ki 50/8 chwa u wan u Banialam Mylliemngap uwa da yarap wow pynboon yei kamai Run.
Ka Tripura hawa kdong da jop ko deiwa suk deiwa dooh ar Wicket wa yoh u Raghav Magotra (2/30) heiwa ka Tripura dapoi thong ko ha ka 13.3 Over.
Ka Meghalaya kattu daw yachem ko wa ka Vidarbha ha kani ka 12 tarik.
