Ka HYC-East Jaiñtia Circle da toh ko cha u DC ka East Jaiñtia Hills District yow ye u yarap yei yoh khih yoh kreh ki khynroo khyllood ka thaaiñ hadien wa ka seiñ da wan ko wow lai pait lai chim yukheiñ ya ki yaw wa em ha Ladrymbai, Khliehriat, Sookilo wa kiwi kiwi de wei da chem wa 70% na ki laad kamai wa boon nadooh ki Mall, ki dukan wa rap heh, ki Hotel wa kiwi kiwi toh wa kreh du da ki bru wa na baar.
Najrong ini, ki tre kini ki thaw kamai toh kiwa boon ki baar jylla, sa ki wakreh leh ha kini ki dukan wa kiwi de ki thaw toh da ki baar jylla donhi kiwa boon toh kiwa poi hi-eh na baar ka jylla.
Hajrong ini, ka seiñ da ong ko wa hawa pait chei dooh kreh ki khon khynroo khyllood yong i kiwa da stat da tip, kiwa da dep puræ puthi dang boon ki katwa dang lai ki snem wei ini da pynsñiawkhia joor hawa yoo won wa ki bru wa na baar da yoh ki ya ka kabu hapoh u pood u ang ka District katwa ki yong i won da maad ki yei chitom ha yung ha sem heiwa wot tang ya ki kreh nong sngi leh ym yoh ki kiwa da chim lut da ki baar jylla.
Kamtæ da kyrpaad ya u DC wow leh u iyi iyi yow wai laad ya ki tre chnong wow yoh kreh ki.
