U Symbood Montri Rangbha ka jylla, u Prestone Tynsong da ong u wa neiliang ka sorkar da pynlait ko wer pa wer ya ka bhah cha ki Autonomous District Council katkam wa toh u yoh ki na ka sorkar, tangwa iwa jia hapoh Garo Hills Autonomous District Council (GHADC) wa Jaiñtia Hills Autonomous District Council (JHADC) toh neidaw wa ‘Baam hati kit kule’ ki iwa da wanrah yei duna ka poisa ha ki.
Da ong u wa i wym ye wow su tulop ya kiwa kreh khamtam ha GHADC kiwa ym yoh tulop la palat 30 bnai, toh neidaw wa thung kreh hadooh wym em de tang ki thaw chong wei ka bhah wa yoh ki na ka sorkar lut i du hei su ya ka tulop.
Chooh chooh da ong u wa katni chong ha ka Executive Committee wow pynkhor yei rukom thung kreh ya ki bru wow lait nei pynlut sepai ya ka poisa.
U Prestone da ong u wa i daw wa chem chitom ha JHADC wa GHADC toh wow su ya ka tulop cha kiwa kreh neibhah ha ka mang tangka da booh wow pynlut kamwa T.1.5 klur katwa kawa emkaam wow pynlut won kynjoh i cha ka T. 3 klur du wow su tulop ha ka chi bnai.
