Uwa yahkhmat ka Bharatiya Janata Party (BJP) uwa jooh man leh kam u MLA ka Rajasthan, u Gyan Dev Ahuja da pynbaad u wa choh doh masi ha Kerala te jia i oor khyndaw wei chlai um ha Wayanad. Da kam u wa kam kini ki jait u jia bait ki ha kiwon kiwon ki thaw wa pynyap masi.
I oor khyndaw wei chlai um ha Wayanad District ka Kerala kam ha Mundakai, Churalamala wa Meppadi dapoi hadooh 358 ngut kiwa da dooh yei mynsien wei i thooh ya kiwi kiwa wiar dang pteiñ i hadooh kattæ leh.
U Gyan da ong bait u wa ini wa jia toh neidaw wa choh doh masi hanla jia kam ini cha kiwi ki jylla kam ha Uttarakhand wa Himachal Pradesh, tangwa ym em joor kamwa jia ha Wayanad.
“Nadooh u snem 2018 da yoo ya kam ini wa jia ha ki thaw wa pynyap masi wei lada sangeh ini ym jia de tangwa lada ym sangeh u pteiñ u jia ha Kerala,” da ong u.
Uni u heh ka BJP ha u Kmaichonglad (Dec) 2017, da ong u wa kiwon kiwon kiwa khayi masi, kiwa choh doh masi toh u bom ki hadooh wa yap.
Discussion about this post