Neidaw wa daw pynman ki yalang yong ki ar tylli ki Political Party ha ka chnong Nangbah ha kani ka 19 tarik, ka Dorbar Chnong Nangbah da khang ko ya ki paidbah kiwa na baar ka Constituency yong ka 17-Nangbah Mihmyntdu Constituency kiwa wan cha ka Election Campaign wow psiah chapoh ka chnong Nangbah yow lait iwon iwon i awri awra.
Heiyatoh wa i wan ki kari yong ki paidbah da phah ya kiwa wan na kiwi ki Constituency wow wan ki du na u sarok Somer-Nangbah wa u sarok Nartiang-Nangbah.
Da kyntu leh ya ki paidbah kiwa na baar yong ka Constituency wow liwan ki cha ki chnong ki thaw ki yong ki mar sien dep ka yalang khlem da pynwit chapoh ka chnong ka thaw yong ka chnong Nangbah yow lait ko u ktah ya ka chongsuk chongsaaiñ.
Ka dorbar chnong da booh ko leh ya ki No Entry ha kini ki thaw:
- Myntwa
- Mot Dukhu
- Madan Lur Katang
- Khim Jalawan
- Mokatre -Lum Chor
Kani ka pynrkhiñ man ko du kat ya kiwa na baar yong ka 17-Nangbah Mihmyntdu Constituency.
Ini toh i pyntip da u Waheh Chnong ka Dorbar Chnong ka Nangbah, u T. Iongwai.
Discussion about this post