Ka FKJGP-Jaiñtia Hills hadien wa da dep booh ko ya i thoh nadooh ka 16-06-20 cha ka yung krehkaam yong ka BDO heiyatoh wa ini i eh i dooh bai nong kiwa mylla 100 sngi. Kamtæ ha kani ka tayaw hei yahkhmat u M. Marboh, Vice President ka seiñ, da lai booddien deiwa lai yachem ki wa ka BDO ka Thadlaskein C&RD Block heiyatoh wym yoh bai nong sngi ki 6 ngut kiwa mylla 100 sngi haka Scheme MGNREGA ha Namdong-B VEC.
Ka seiñ da ong ko wa katkam ka yutip wa da yoh na kini kiwa em Job Card, wa ym em yoh nong ki hadooh kini ki sngi wot tang chi sngi leh wei da lai yachem ki boonsien wa u Secretary ka VEC u Deibha Thubru tangwa da klam kyllaiñ u yaki wei da kynnoh u leh yaki wym em u biang ka Account Number yong ki wei na ini i daw wym yoh ki yaka nong yong ki tangwa hei takit yong ka seiñ da chem wa ki Account Number yong kini kiwa em Job Card man ki wa biang (Updated) tangwa u Secretary won e daw u yaki da kiwa boon rukom.
Ka seiñ da ong ko wa kiwi tawan kiwa em Job Card da dep ki wow yoh yaka nong nadooh u Kmaichonglad (December) wa u Duiatra (January) ya i kreh (1) Cement Concrete Road Cum Retaining Wall Namdong-B to Lum jingtep, (2) Cement Concrete Road to Dong Civil Namdong-B, ki sngi kreh toh 49 sngi samen ha kini Work Order.
Hei yachem won ka seiñ waka BDO ha kamra krehkaam yong ka, da chem wa u Secretary ym em u e (Submit) u yaka Muster Roll cha ka Block Office, kamtæ katkam i chem yong ka seiñ wa kini kiwa em Job Card da chah thok ki ha u Secretary VEC.
Ha ini i yachem, ka BDO neiliang yong ka da kular ko wow chimkhia ya ini wow pynyoh yaka bai nong kawa toh i hok yong ki.
Kat hadooh wa pynmih ya kani ka khubor, ka seiñ da yoh yutip chooh chooh ko wa dang boon kiwa em Job Card ki wym pu yoh bai nong, kamtæ ka seiñ da kyntu ko yaka BDO wow chimkhia ko ya kini waroh khnang wow yoh u man iwa pyn myntoi yaki paidbah yoh u lait leh na i awri awra.
Chooh chooh neiliang ka seiñ da lai sylli ko leh ya kini ki thaw kreh wei da chem ko wym em u biang i rukom pynkreh wei da kreh tang dep, da chem leh heithaw u pynemkaam da u chyiap um, da pynemkaam u da u chyiap loom heiwa u dung yakani ka sarok dei wym em u plastar ya kani ka kreh kamtæ pyn artatien ko leh yaka seiñ kammon u surok uwa lai ki kari ki mator u pynemkaam tang da u chyiap loom katwa ka poisa won wa e da ka sorkar man ko kawa heh tangwa i rukom kreh won wym em u yahap katkam ka poisa, kawa man kamni ha wah:
- Cement concrete road at dong Civil Namdong-B
Amount T. 18,25000
Wages T. 11,45,375
Material T. 6,79.625
- Cement concrete road cum retaining wall, Namdong-B Khlieh Umslashiat to Lum Jingtep
Amount T. 30,28,600
Wages T. 18,88,700
Material T. 11,39,900.
Heijooh i por neiliang ka seiñ da yachem ko leh wa kiwa em Job Card wa ki kattu katni ngut ki waheh kiwa da khana ki wa uni u Secretary man u uwa sarong uwa sñiaw kat ha nga, uwa sñiaw stat, uwa kreh khlem da ya tip lang yong ka chnong deiwa pynman u ya kani ka Post Secretary wa ya kani ka kreh kaam ka kaam yung kaam sem yong oo, wym jooh ap u ya i eh yong ki paidbah wei da leh bait u ha i mon yong oo kamtæ da pynman ko ya kani ka kreh ka wym hoi, wei u dooh bainong sngi kiwa em Job Card, katkam i khana naki paidbah wa na waroh ki Secretary nadooh wa sdang ka VEC da chem na waroh ki Secretary uni man u u wym hoi wei uwa khwan du u yoh myntoi samen yong oo deiwa kreh du wow yoh myntoi u ya oo hi. Kamtæ neiliang ka seiñ ha kani ka sngi da yatai sani bha ko waka BDO wa kammon u pyndooh pyndam yaka baam tooh hapoh ki VEC khnang wow ye u wanrah yaka roi ka paar hapoh chnong poh thaw neibhah ka Scheme MGNREGA man ko i kyrkhu wei kawa myntoi bha lada ki Secretary ki Chairman kreh bha ki.
Ka seiñ da kyntu wei kyrpaad joor ko yaka BDO leh wym toh u ngait ka yung krehkaam yong ka Block katwa leh ki Secretary wei toh u sylli bha ki ya i rukom pynkreh katkam ka Estimate, ki tiar ki tar kiwa ki pynemkaam ki toh u man katkam ka aiñ yong ka MGNREGA.
Ka khubor na u M. Marboh Vice President FKJGP-Jaintia Hills.
