Wa duna poisa ka sorkar, slem i thung kreh ya ki Jugali

Shillong: U montri ka tnat bordiñ ka jylla, u James K Sangma da ong u wa i slem ka sorkar wow thung kreh ya ki Jugali wa da pyndep ya ka Exam toh neidaw wa ka sorkar duna poisa ware ko.

Hawa jubab yeiwa kylli u MLA ka North Shillong, u Adelbert Nongrum, u James da pyntip u wa em 1811 ngut kiwa da yakhun ya ka Physical Test ha Shillong wa Tura, wa ya ka Personal Interniew ha Lumjingshai ha u snem 2012, tangwa i daw wa slem wow thung kreh ya ki toh neidaw wa ka sorkar duna poisa ware ko.

Da pyntip u wa ka bynta wa nyngkong wa kawa-ar da dep wow thung 519 ngut na ki 772 ngut wei ya kiwa sah 233 ngut daw thung ha ka bynta kawa le.

U montri da pyntip u leh wa ha ka bynta wa nyngkong em 10 ngut kiwa chah kyntait noh, kamjooh ha ka bynta kawa ar 10 ngut da chah kyntait neibhah wa ymye ki wow pynbiang ya ki kot na ki pulit (Police Verification).

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hawa jubab yeiwa kylli u MLA ka Nongpoh, u Meralborne Syiem hei yatoh wa ka bynta kawa le wa ka por thung kreh ya ki 233 ngut daw kut noh ko, neiliang u James da pyntip u wa ya ka bynta wa le ka sorkar da pynyinsur ko cha ka 31 Naiynñiaw 2018.

Also Read: Maham ieh ki Jugali ya ka Congress ha kani ka election 2018