U Montri wa pait ya i Kaam Pohyung ha ka jylla, u Lahkmen Rymbui da kyntait wa ki kaam lehdamok da sdang mih biang ki hapoh ka jylla.
Da ong u wa hanla em ki kattu katni iwa da jia, tangwa ym toh won wa ki kaam lehdamok da ku biang ki, wei da pynrap wa ki pulit da pynkhreh ki neibynta iwon iwon i jia.
Hawa yatoh wa i chah kem u khynnah wa dang hapoh 18 snem neidaw ki kaam pyntieñ deiwa booh Bomb, u Montri da ong uwa ini i emkti yong ki khynnah wa dang khian rta ha ki kaam pyntieñ ym toh neidaw wa dooh kreh, tangwa kamwa da mih hi da em i kheiñstiñ nadooh na yung na sem, wei da em leh i wym biang de i sneiñ i kroo na ki bei ki pa wei toh i e mon palat.
