Ka seiñ JSU Nartiang Circle lyngba u President yong ka, u Neilkee R Mukhim wa u Secretary u Successful Sumer da pyrchah joor ki yei thmu ka sorkar Assam u wanrah da ka skurbah (University) ha ka chnong Khanduli.
Ka seiñ da beiñ joor ko ya ka sorkar Meghalaya neidaw wym jooh kheiñkor ko ya u pood u ang yong ka wei ym mano ko ya kiwa chong cha khappood heiwa boonsien ymjooh yoh ki ya i roi i paar kamwa toh sap wow yoh ki.
Heijooh i por ka seiñ da jooh yoo ko man-ki-por ka sorkar jooh kynmmoo ko ya ka khappood du heipor Election donhi.
Ha ka 31 Naisan, ka Karbi Anglong District Council lyngba u Chief Executive Member u Tuliram Ronghang da phah u ya ki bru yong oo wow lai pait ya kani ka thaw wa em ha Khanduli kawa pyrtuid ka Lum Sait Muid ha Khanduli, West Jaiñtia Hills ka thaw ka wa thmu wow chna ya kani ka skurbah.
Hajrong ini waroh neiliang ka seiñ JSU Nartiang Circle daw thoh ko cha u montri rangbah ka jylla wow phah pynsageh ya i kreh ha ini i thaw kamwa da thmu da ka sorkar Assam.
