Wa iñ ka yung krehkaam ka SMB, kattæ dang thooh bniah katwon ngut em kiwa sah ha Them Ïewmawlong

U Symbood Montri Rangbah ka jylla, u Prestone Tynsong da ong u wa ka sorkar da phah ko yaka chnat Urban Affairs wa yaka MUDA wow thooh bniah yei em ki bru kiwa sah ha Them Ïewmawlong, hadien wa ka Hynniewtrep Youth Council (HYC) da yoh ko yaka RTI kawa pynyoo wa em du 194 tylli ki manyung kiwa kreh ha SMB heithaw 342 tylli wa yoh yukheiñ ka sorkar jylla.

Hawa yatoh waka RTI wa da yoh da ka HYC, u Prestone da ong u wa da phah pait biang neibhah ya katai ka RTI da yoh lyngba ka yung krehkaam u CEO ka Shillong Municipal Board (SMB), wei kattæ neiliang ka sorkar da phah ko ya u Director ka chnat Urban Affairs wa cha ka MUDA wow bichaar bniah biang.

Katkam i ong u Symbood Montri Rangbah, ka yung krehkaam ka SMB da iñ ko ha u snem 1996 wei ha itai i por da em leh ki kot ki sla kiwa da iñ lang. Ha u snem 2008, 2009 da chim yukheiñ biang wei katni i pynsakhiat dang lai i.

Neiliang ka sorkar da yachem biang ko ynne ka sngi wa kiwa yahkhmat ka Harijan Panchayat Committee (HPC), wei da pyntip wa kani ka HPC da paan por ko sa kawi ka yalang wa khaddooh, wei ini i paan por biang toh wa da em i sñiaw yong ki neibhah wa da sah ki ha katai ka thaw da boon snem.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U Prestone da khana u wa neiliang ka sorkar da rai ko wow khut biang yaka yalang haka 7 tarik u Naiynru wow wan wei ha katai ka sngi daw chim yaka rai kawa khaddooh yow pynkut noh yei kaam.