Wa joor i chit, kyrpaad ka Zomato ya ki paidbah wow dam u phah wanrah baam hei sngi

Related posts

Tyrwa u MP ka BJP wow pynkylla noh yei pyrtuid ka New Delhi Railway Station hei pyruitd u PM warim ka ri

July 7, 2025

Em kiwa chet kylla ya ka jaitbru Ynñiawtrep yow e laad ya kiwa na baar yow chongdai ki: HNLC

July 7, 2025

Ka Company wa pynpoi mar baam ha kylleiñ ka ri lyngba ka Mobile-App, ka Zomato, da kyrpaad ko ya ki paidbah wow dam u phah namo wow Order baam heipor chiteiñ sngi lait nei wym yohsa donhi.

I daw wa kyrpaad ka Zomato kamni toh wa joor i chit wa ka la’ær wa iñ namo ka Heatwave ha kiwa boon ki bynta ka ri khamtam ha khlieh (North) ka ri India.

Neiliang ka Zomato da kyrpaad ko deiwa ong kamni, ‘Please avoid ordering during peak afternoon unless absolutely necessary.’

Neiliang kiwa boon da beiñ ki yeini deiwa ong wa wa ini toh wow pynhoi yaaw ya ka donhi.

Katwa kiwi won da yaroh ki ya ka deiwa mynsien wyrai ya ka wa sñiawkhia ko ya kiwa pynpoi mar baam cha ki paidbah.

Ini i iwa ong ka Zomato da poor bha i ha ka Social Media heiwa da em palat da palat 10 lak ngut kiwa pait ya ini i iwa da booh ki ha u X.

Ha Delhi i chit dapoi i hadooh 45 Degrees Celsius ynne ka sngi wei ini wa dep da tam i 50 Degrees tangwa kitu kiwa hap lai kreh cha lait da hap ki wow leh yei kaam ki wei deiwa wyrai ya ki, neiliang kawi ka NGO kawa tip kam ka ‘For A Cause Foundation’ da laai saam ki da ka Buttermilk Packet cha kiwa kreh mylla chna yung yow yarap ya ki.