Hajrong i thut ka Mobile Network man-i-por hapoh ka ka thaaiñ War Jaiñtia. Kamtæ neiliang ka HYC War Jaiñtia ha ka 21 tarik uni u bnai deilang waka War Jaiñtia Youth Organization Shillong Unit da yoh ki wow lai yachem wa kiwa pynlai yong ka Company Jio wa Airtel ha Shillong hajrong ini i thut ka Network.
Hawa yaklam wa kini ki heh ki Company da khana ki yei daw wa dooh Network toh wa thut palat ka bordiñ wei neidaw wa kiwa boon ki Mobile Tower Network pynemkaam ki da i bordiñ wei na ini i daw ki Battery leh ym ye ki wow neh chi slem khlem bordiñ manda dooh boon kynta.
Kamtæ da kyntu wa neini chakhmat ym toh de wow thut ka Network khnang wa ki paidbah wa krehkaam da ki Mobile Network ym maad ki yei eh deiwa kdaw wa kini ki Company ym ktah iyi iyi leh neidaw wa lada pynemkaam lane ym pynemkaam ya ka Network, ki paidbah hap bait ki wow su.
