Wa kheiñ antaad ya ka bai light chah ujor FIR ka MeECL

Shillong: Neidaw wa habra kiwa kreh ka tnat MeECL heiwa yatoh wa i rukom kheiñ bill light ha Sohiong Revenue Section neipor cheipor da pynman ko ya ki paidbah ka thaiñ wow chrai hadooh wa da ujor ki ha u SP ka East Khasi Hills.

Hawa yaklam wa kiwa pathai khubor u President ka Seng Samla Mawkneng, u Curtis Rani da khana u wa kini kiwa kreh kani ka tnat da kheiñ antaad hi-eh ki hawa chna ki ya ka Bill ki paidbah.

Da ong u wa ini i leh Habra kani ka tnat saam bordiñ, ymtoh du ha ka chnong Mawkneng tangwa ha waroh kawi ka thaiñ, heiwa ki Bill kiwa da dep su leh haap su biang wei em won ki Bill kiwa phær da ki spah hawa pait ya u Meter Reading.

Da kylli u wa iyi u myntoi u em Meter katwa ka Bill won da chna katwa ngait deiwa antaad nawa chong donhi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Heijooh i por da ong u wa da ujor boonsien yeini cha ki heh ka MeECL tangwa waroh itæ man i iwa sepai.

Neidaw wym chimkhia ka tnat neiliang yong oo da ujor noh u cha u SP ka East Khasi Hills ha ka 6 tarik uni u bnai pyrchah ya ka yungkrehkaam u Executive Engineer Revenue Sub Division -1 Lumjingshai, wa ya ka Sohiong Revenue Section MePDCL wa ya kiwa emkti ha ini i kaam wow thok ya ki paidbah.

Da ong u leh wa kamwa jooh leh ka tnat pulit wow pynchitom ya ki bru kiwa thok wa chukor ya ki paidbah, ka aiñ leh da toh u pynchitom ko ya ka MeECL wa kiwa emkti ha ini i kaam thok.