Jowai: Ka Meghalaya People United Front (MPUF) East Jaiñtia Hills District Khliehriat Circle hadien wa yoh ki yaka ujor na uwi u dkhot ka chnong Pamra Paithlu u Shanbor Rymbai hajrong i khlaad noh iwi i khonboo.
Ynnin ka sngi hapoh i yahkhmat u Kyrshan Blah, President, u Thawlad Lyngdoh, Secretary deilang wa ki dkhot ka seiñ da yoh ki wow yachem wa u Dr. K. War.
Ha i yachem wa u Dr. War da pynche u wa i khlaad i khonboo toh neidaw wa kiwa hayung hasem pynsum ki ya i khonboo.
Da pyntip leh wa ya itai i khonboo da wan pynkha ha ka 14 tarik ha PHC Pamra Paithlu wei neiliang ki bor pynlai ka PHC ha ka 15 tarik da phah lai sumaar noh ya itai i khonboo cha Jowai Civil Hospital Ialong.
Ka seiñ da ong ko wa ha kani ka PHC kawa e chakri ya ki 21 tylli ki chnong ha kani ka thaaiñ, ka sorkar toh u booh la kammon kammon 2 ngut ki Doctor, kamwa man katni haka sngi Choh-that waka sngi Bibar da yoh ujor na ki paidbah wa ha kani ka PHC ki wakjut ym jooh chem Doctor ki hawa emkaam sumaar.
Kamtæ ka seiñ da dawa ko na u montri wa toh u pait ya ka chait ka khiah wa toh u phah ya ki Doctor wa ki Nurse wa toh u wan biang por ki cha ki thaw sumaar neibynta kiwa kjut wa chitom wa emkaam yarap, ong u K. Blah.
Discussion about this post