U Montri Rangbah ka jylla, u Conrad Sangma ynne da pyntip u wa katkam wa da chem hadooh kattæ nei takit yei daw wa oor chibynta i kynroh namo ka Retaining Wall ka Football Stadium wa em ha P.A. Sangma Sports Complex, Tura toh neidaw wa kset ki dooid.
Yeini da pyntip cha oo da ki Engineer wa ki Contractor wa ki dooid wa em ha kani ka madanbol yow lait ka um wow kai cha lait da kset ki iwa da pynman ya ka um wow lang ko hadooh wa da ngiat yei kynrooh hadooh wa oor i.
Da pyntip u wa i daw wa kset ki dooid toh wa dang chna ya ka Indoor Stadium kani ka Sports Complex wei iwa mih na ini wa dang chna da pynkset i ya ki dooid wa em ha ka madanbol.
Chooh chooh da ong u wa ya ini i kynroh da chna katkam wa da booh kyndon wei ymem i duna hei pynchna wei da leh yeiwa emkaam yow pyntikna wym chah ktah de kiwi ki bynta ini i kynroh.
Da pyntikna u leh wa ki thaw chong paitke ki paidbah kiwa dang dep chna toh kiwa dang skem wei ymem chah ktah ki kamjooh kiwi ki bynta ka Stadium neibhah ym em yabi ki wa kani ka kynroh wei i bynta i kynroh wa chah ktah leh man i du 10 meter donhi iwa man i bynta wa da lang lut waroh ka um wa wan na ka madan.
Heiyatoh won wa u chrot yow pynche bordiñ (High Mast) dei miet, da pyntip u wa uni leh toh uwa skem wei uwa da tih yurim hadooh 9 Meter chapoh, hanla kattæ leh da pynstiñ chwa yei khia uni u chrot.
Puræ leh: Da phah pynman takit yei oor i kynroh ka madan yalehbol ka P.A. Sangma Sports Complex
