Wa kwah kawi ka bru u thap ha u ‘Syntu’ chah thaap ha u kyrtong ka Congress

Uwa yahkhmat ka Congress na Telangana uwa man leh kam u kyrtong MP na Nizamabad Lok Sabha Seat da chah riñ Video u wa thaap u ya kawi ka bru wa kreh mylla hadien wa ong ko wa kwah ko u thap ha u ‘Syntu’.

Ha ini i Video wa da poor bha, ki bru wa emlang wa u Reddy da sñiaw wa rkhai ki heipor wa jia ini wa chah thaap kani ka bru kawa da ong chwa wym em kmen ko yei rukom kreh ka Congress hanla thap ko cha ka Congress haka Election MLA.

Kamtæ da ong ko wa daw thap noh ko cha u ‘Syntu’ ha kani ka Election Lok Sabha wei heini i por da chah thaap ko ha uni u kyrtong ka Congress.

Kani ka bru toh kawa kreh mylla sngi kawa da kana ha u Reddy leh wym em yung ko da i yong ka hi, ka wym em Pension kawa kyntu ya u oo wow wyrai yaka heiwa da ong u wa daw pynyoh tangwa thaap pathan u ka.

Related posts

Yap 13 ngut hapoh ka Bus wa iñ hadien i yatyrrah wa ka Bus

March 26, 2026

Chah ka Iran wow pynemkaam ka India wa kiwi de ki ri wa ya bha lok ya ka Strait of Hormuz

March 26, 2026

Ini toh iwa da jia ynnin ka sngi heipor wa lai yalap Election uni u kyrtong MP wei ka thap Vote ha waroh ki 17 tylli ki Lok Sabha Constituency ka Telangana u pynman haka 13 tarik uni u bnai.

Hawa kylli kiwa thoh khubor na u Reddy ya ini wa jia, da jubab donhi dei pharæng deiwa ong, “It was lovely, it was lovely…”