Ka Khun Hynniewtrep National Awakening Movement (KHNAM) ynne da dawa ko na ka Khasi Hills Autonomous District Council (KHADC) wow chimkhia hajrong ki bru samen na ka jaitbru Garo kiwa ksoh Rangbah Shnong hapoh ka Hima Mylliem wei da pynbaad leh wa em i dai tooh ya i thaw ha Ri-Bhoi District.
Ha ka chithi cha u Deputy CEM, u PN Syiem, neiliang u Working President ka KHNAM, u Thomas Passah da ong u wa da dawa wow chimkhia ya ini wei wow pynneh ya ki aiñ hapoh ka Hima.
Da ong u wa ki Garo wow man kam ki Rangbah Shnong ha Maikholi, Pillangkatta-A, Iongkhuli, Mawiong, Gambalbari, Jyrmang, Jolsyiem, Rangsakona, Chibra, Nongspung-A wa Nongspung-C man ko pyrchah ya ka aiñ Khasi Hills Autonomous District (Appointment and Succession of Syiem, Deputy Syiem, Electors and Rangbah Shnong of Mylliem Syiemship) Act, 2007.
Da kdaw u leh ya ka Section 2 (O) yong kani ka aiñ wa klam che ko wa ki “Rangbah Shnong” toh ki khlieh ka chnong la ha sor næ palatsor wow pait ya ki kaam synchaar hapoh ka Mylliem Syiemship wei toh u man ki ki Khasi.
Chooh chooh da ong u wa i rukom dai thaw hapoh i pynlai u Rangbah Shnong man iwa pyrchah aiñ lada dai cha ki wymtoh ki Khasi iwa tyngkheiñ leh ya ka Section 3 (1) ka Meghalaya Transfer of Land (Regulation) Act, 1971.
U Thomas da ong u leh wa lada ym bood ya ki kyndon daw tyngkheiñ ko ya i thmu ka 6th Schedule.
Discussion about this post