Ynne i step hadien wa ki bor District da lai pynbna ki yei pynkrehkaam ya ka kyndon Section 144 CrPC ha Pangit, Khliehtyrshi ha ki bynta wa em 2 Km na ini i thaw ka JHADC iwa man i thaw iwa mut noh jhep ka Jowai Municipal Board, kamtæ neiliang ki paidbah deilang wa u waheh chnong da lai yang biang ki haka laad wow lai cha i thaw wa thmu noh jhep neidaw wa artatien ki ya boi wan noh ki dei bor yei jhep ha katai ka thaw.
Ini i artatien yong ki paidbah toh wa ynnin i sngi wot hawa da pynsñiaw ki yei pyrchah, hei por miet won ki truk da wan bait ki cha Khliehtyrchi dei thmu u li noh jhep cha kani ka thaw.
Neiliang u waheh chnong, u Kitbok Rymbai deilang wa ki paidbah ong ki i i daw wa rai bait ki u yang ha kani ka thaw toh wa ynnin i miet hadien kattu wa da yaklam pynbait wa ki bor District leh dang wan pynbna kyndon Section 144CrPC ki ynne i step.
Ka Section 144 da khang ko wow yalang paidbah ha kini ki bynta kamjooh wow rah ya ki tiar pynmynsoo wei ya kiwa leh pyrchah daw pynchitom katkam ka aiñ.
Puræ leh: Pynmih hukum u DM yow pynchitom ya kiwa pyrchah yei noh jhep ha Khliehtyrchi
