Ka HNYF ynne ka sngi ka 29 tarik da yachem ko wa u SDO (R) ka MePDCL ha IGP, Shillong yow paan pynche hajrong i ku yong ka bai bordiñ kawa da cha palat pood ha waroh kawi ka sor Shillong wa ki thaaiñ nongkyndong leh kamjooh.
Ha i yachem yong ka seiñ wa u SDO da pynsñiaw wa i bakla toh naka Main Office neibhah wa da phah da ki wakreh kiwa dang hapoh i chah sikai (Under Training) wei na ini i daw wa ku i bai bordiñ cha palat pood.
U SDO da ong u leh wa lada em ki paidbah kiwa yoh pdiang yaka bai bordiñ kawa ym yahap wa i rukom pynemkaam ya ki bordiñ wow wanrah ya ka kot bai bordiñ khnang wow phah pynbait yei eh wa yachem ki paidbah.
Hajrong ini ka seiñ da pynsñiaw ko yei chrai ya i leh thurmur yong ki wakreh ka MePDCL wei ha kini ki sngi wow wan, ka seiñ daw yachem ko wa montri wa pait yaka chnat bordiñ wow dawa u pynchitom yaki bru kiwa emkti wow leh thurmur ya kani ka kaam.
