Ki wakreh ka GHADC kiwa em hapoh ka chatri ka Non-Gazetted Employees Association (NGEA), GHADC da thoh ki cha u Lat ka Meghalaya yow dawa kyrriah noh yaka Secretary ka GHADC chwa ka 16 tarik uni u bnai wei wow su leh yaka tulop naka T. 18.20 klur cha ki wakreh ka GHADC katkam ka 5th Pay Commission.
Ka Association da ong ko wa haka 12 tarik uni u bnai da yoh yaka T. 18.20 klur da ka Secretary ka GHADC tangwa da pynemkaam ya kani ka poisa yow pynlait sop sop yaka Bill ki Contractor kiwa da pynkreh da ki MDC kiwa katni kiwa da kut ka samoi heithaw wow su taka tulop wa kiwi kiwi kiwa da toh u su cha ki wakreh kawa da sah la 32 bnai nadooh u Wisu (April), 2018.
Da ong leh wa ya ini da leh khlem da tip wei yoh bor na u Administrator iwa ka Secretary da pynemkaam bakla ko yei bor yong ka.
Da pyntip leh wa ka Secretary ka GHADC da pynlait ko yaka tulop wa chi bnai tangwa daka tulop wa kheiñ hei dor yong warim iwa da kyntait da waroh ki wakreh haka yalang wa pynman haka 14 tarik u bnai deiwa dawa wow su katkam ka Revised Pay naka poisa wa T. 18.20 klur yow ye ki u su ya ki ram ki yong ki kamjooh yow pynbiang khamtam ha kini ki por ki samoi lehkmen.
Hajrong ini, da pyntip leh wa da dep thoh cha u Deputy Secretary ka sorkar Meghalaya uwa da thoh won cha ka Secretary ka GHADC wow su noh yaka tulop.
Kamtæ ki wakreh da dawa ki wow kyrriah noh yaka Secretary ka GHADC kawa man pyrchah yeiwa thrang yong ki.
