Wa swe kiwa kreh u lai cha jngai tæ chah khang ka Laskein Block Labour Office, pynbaad u Nujorki

U MLA ka Mowkaiaw, u Nujorki Sungoh ynne hapoh ka yung dorbar da kylli u yei daw wa da khang ya ka Block Labour Office wa em ha Laskein, West Jaiñtia Hills heiwa neilang u Montri ka chnat, u Shakliar Warjri da pyntip u wym pu em khang ka tangwa da rah chipor donhi cha Jowai.

U Nujorki won da ong u wa kani ka yung wai wa em ha Laskein toh kawa da pynkut wei ymtoh mut i wa da rah syndon ya kani ka yung krehkaam cha Jowai.

U Montri da ong u wa da rah donhi chipor cha Jowai wei ka yung wai ha Laskein da pyndam chwa u chim wai chipor deiwa e daw wa kawi na ki kaam wa emkaam u leh kani ka Block Labour Office toh yow e yarap cha kitu kiwa da em pyrtuid hapoh ka MBOC Welfare Board yow e myntoi cha ki wei yeini waroh hap leh Online wei ha Laskein ym em biang ka Internet wei na ini i daw da rah noh ka cha Jowai wei manda biang ka Internet daw rah biang ka cha Laskein.

Related posts

Chah ujor FIR u Professor ka NEHU ha uwa lai puræ neidaw wa joor chah klam beiñ

December 1, 2025

Chah kem 430 ngut kiwa kreh sorkar ha Assam kiwa baam tangka

December 1, 2025

U Nujorki da ong u wa biang hi ka Internet ha kani ka thaw wa em kani ka Labour Office, kamtæ ym mynjur u yei daw wa e u Montri deiwa ong wa ye u man wa kini kiwa kreh swe ki wow lai kreh cha thaaiñ wa jngai na sor.

U Montri da ban joor bait u wa toh neidaw ka Internet wei lada em da kiwi ki daw, daw chimkhia u yeini.