Ki paidbah ka thaaiñ Mowkaiaw, Mukhap wa Mowtyrchiah da chem chitom ki wa thut ka Network Jio wa Airtel ha kini ki 3-4 sngi wei wym em hi krehkaam kini ki Network, neiliang ka Khasi Student Union Leimow Unit da pyntip ko wa da boonsien dep ujor ko yei thut ka Network neipor cheipor cha ki khlieh kini ki Company tangwa neiliang yong ki ym em chimkhia ki yei eh yong ki paidbah.
Ka seiñ da ong ko leh wa ini toh i dooh nong wa khroo ya ki paidbah neibhah katni boon du kiwa khih Online wei manda ym em Network ktah ko yei khih i kreh yong ki paidbah.
“Ka seiñ da yoo ko yei lehroh leh khynnah ki Company wa em cha i cheini, ka seiñ da ban joor ko lada kamni bait u thut ka Network, ka seiñ dei wym yohsa u leh ko deiwa rap eh ya kini ki Company.”
Ka kyrwoh na u President, u Javelin Shadap.
