Neidaw wa ood wa naam ki paidbah ka Ri-loom Jaiñtia kiwa pynemkam da ka Network ka JIO neibynta u Phone wei wow leh ya chiboon ki kaam ki jaam tangwa ha kini ki bnai wa chadien da sdang maad ki yei saja neidaw wym biang Network de kam nachwa, kamte neiliang ka seiñ Pnar Student Movement (PSM) Central Body hapoh i yahkhmat u President, u Embhahlang Passah, u Vice President, u Owan S Paswet deilang ki dkhot, ynne ka sngi da lai mih ki cha yung krehkaam ka JIO kawa em ha Ladthalaboh, Jowai dei thmu u lai yaklam wa u Manager In-charge, tangwa da chem pathan wym em kiwa kreh hanla man ka thaw kawa wai.
I chem ka seiñ yei wym em bru ha kani ka thaw toh ka sien wa le, heiwa nyngkong toh heipor wa lai booh ujor ha ka 05-06-25 wei nadooh katai ka por leh ym em chimkhia ki yei jinjar saja ki paidbah.
Ka seiñ da ong ko wa ini i leh ka JIO toh i baam tooh yei hok ki paidbah kiwa da su ya ka bai pynemkaam tangwa ym em won yoh ki u pynemkaam.
Kamtæ ka seiñ ym yohsa ko wow khang tala syndon ya kani ka yungkrehkaam ka JIO ynne hi ka sngi.
Heijooh i por da phah haroh ko ya ka khubor cha kani ka yung krehkaam ka JIO wym toh de u wai ko lym ye u pynbiang Network ko katkam i emkaam ki paidbah ka Riloom Jaiñtia waroh kawi.
Discussion about this post