Wa toh ka Election chiteiñ samoi tæ jop ka NPP ha Gambegre, ong u Mukul

Uwa yahkhmat ka All India Trinamool Congress (AITC) ha ka jylla, u Dr. Mukul M Sangma da ong u wa lada ymtoh ka Election chiteiñ samoi, ka NPP ym jop ko na Gambegre.

Da ong u wa i jop yong ka NPP ha ka Election chiteiñ samoi na Gambegre toh deiwa pynemkaam bakla yei bor da kiwa em ha ka sorkar yow pynbiej ya ki paidbah.

“Lada ymtoh ka Election chiteiñ samoi, i wow jop”, da ong biang u Dr. Mukul.

Da kyntait u leh wa em i duna næ i bakla neiliang ka TMC iwa da pynman ya ka wow rem ko ha ka Election tangwa toh u thooh yei daw wa ha iwon i rukom wa chah rem.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Dr. Mukul da pynbaad u wa ha i pynkhreh ya ka Election da yoo yei saam Tin, i saam ya iyi iyi wa i e yow pynbiej paidbah.

Da ong u wa lada tih bniah yeiwa jia heipor Election daw tip lut kammon da pynemkaam bakla yei bor wa kiwi ki kaam pynbiej ya ki paidbah kiwa ye wow pynkylla syndon yei rukom jied ki bru.

Chooh chooh da ong u wa ha ka synchaar paidbah i kylla yong ka saiñpyrthai u jia hi i.

“Iyi wa da yoo i 20 snem nachwa wei kayi wa yoo phi katni, i kylla hei jied ya kiwa mihkhmat toh deiwa pynbiej wa harukom, wei iyi ki seiñ saiñpyrthai da chim kabu ki yow yoh yei jop”, da ong u Dr. Mukul.

Kam wow kdaw heini wa ha ka Election chiteiñ samoi wa dang dep ha Gambegre, ka kyrtong yong ka NPP, ka Dr. Mehtab Chandee A Sangma da jop ko deiwa yoh 12,678 tylli ki Vote iwa tam ya ka kyrtong yong ka TMC, ka Sadhiarani Sangma kawa wan wa ar da 4594 Vote, katwa ka Congress kawa jooh ksoh ya katai ka Constituency da wan ko hei wa le.